كيفية الحفاظ على الاسنان لأطول فترة

 

كيفية الحفاظ على صحة الاسنان

مقدمة

صحة الاسنان جزء مهم جدا من صحة الانسان العامة لان الاسنان مش بس بتساعدنا في الاكل لكن كمان ليها دور في الكلام وفي شكل الابتسامة اللي بتعبر عن ثقة الانسان بنفسه الاسنان لو اتعبت او اتعرضت للتسوس بتسبب وجع كبير ومشاكل كتير في الفم وعشان كده الحفاظ على الاسنان مش رفاهية لكنه ضرورة والاعتناء بيها بيبدأ من عادات بسيطة في اليوم لو التزمنا بيها هتضمنلنا ابتسامة صحية وقوية الناس دايما تقول الضرس اللي يوجع يورث وجع في الجسم كله وده حقيقي لان مشاكل الفم بتاثر على الراحة والتركيز وحتى المزاج فلازم نهتم ونركز قبل ما يحصل الالم

اهمية صحة الاسنان في حياة الانسان

الاسنان ليها دور اساسي في مضغ الطعام وبالتالي عملية الهضم لو الاسنان تعبت الانسان مش هيقدر ياكل كويس والجسم مش هيوصل له الغذاء بشكل مناسب كمان الاسنان السليمة بتساعدنا نتكلم بشكل واضح وننطق الكلمات بدون مشاكل والابتسامة الجميلة تزيد الثقة بالنفس وتأثر على علاقاتنا الاجتماعية الاسنان جزء مهم من جمال الوجه والاهتمام بيها بيحافظ على شكل الانسان ومظهره العام غير كده صحة الفم بتنعكس على الجسم كله لان البكتيريا اللي بتتراكم في الفم ممكن تدخل مجرى الدم وتعمل مشاكل صحية كبيرة

تنظيف الاسنان بانتظام اساس الحماية

تنظيف الاسنان مرتين على الاقل في اليوم خطوة اساسية جدا الفرشاة والمعجون بيشيلوا بقايا الاكل والبكتيريا اللي بتسبب التسوس يفضل اننا نستخدم فرشاة ناعمة علشان ما نجرحش اللثة وكمان لازم نغير الفرشاة كل تلات شهور على الاقل لانها بتفقد كفاءتها بعد فترة استخدام معجون فيه فلورايد مهم جدا لانه يقوي طبقة المينا ويحميها من الضعف ولو في وقت نقدر ننظف الاسنان بعد كل وجبة ده بيكون افضل ومن العادات المهمة برضه تنظيف اللسان لانه بيجمع بكتيريا كتير وممكن يعمل ريحة مش لطيفة

التغذية السليمة لصحة الفم والاسنان

الاكل له تاثير كبير جدا على الاسنان السكريات من اكتر الحاجات اللي بتسبب تسوس خصوصا الحلويات والمشروبات الغازية علشان كده لازم نقلل منها بقدر الامكان الاكل اللي فيه كالسيوم زي اللبن والجبن مهم جدا لتقوية الاسنان والعظام الخضروات والفواكه اللي بتحتاج مضغ بتساعد في تنظيف الاسنان بشكل طبيعي وشرب الميه كتير بيخلي الفم رطب وبيقلل فرص تراكم البكتيريا يعني نختار الاكل اللي يفيدنا ونبتعد عن اللي يضرنا ونفكر قبل ما ناكل اي حاجة

اهمية زيارة طبيب الاسنان

كثير من الناس بيفتكروا ان زيارة دكتور الاسنان بتكون بس لما يحصل وجع لكن الصح اننا نزور الطبيب كل ست شهور على الاقل علشان نتطمن على اسناننا الكشف المبكر بيساعد في علاج اي مشكلة قبل ما تكبر وتعمل وجع كبير او تحتاج علاج صعب كمان جلسات تنظيف الجير مهمة لان الفرشاة وحدها مش بتشيل كل الرواسب الطبيب بيقدر يدي نصائح مناسبة لحالة كل شخص ويعرفنا افضل طرق العناية

الابتعاد عن العادات الضارة بالاسنان

في عادات كتير بتضر الاسنان زي فتح الحاجات بالاسنان او تكسير الاشياء الصلبة وكمان شرب المشروبات الغازية بكثرة يضعف طبقة المينا مع الوقت التدخين من اخطر العادات لانه بيسبب تصبغات في الاسنان وامراض في اللثة ومشاكل صحية تانية كتير كمان من المهم نقلل قضم الاظافر او مضغ الاقلام لانها عادات بتضغط على الاسنان وبتعمل تآكل فيها الاهتمام بالاسنان مش بس في التنظيف لكن كمان في تغيير السلوك الغلط اللي ممكن يتعب الفم

نصيحة

صحة الاسنان مسئولية كل واحد فينا ولابد نلتزم بعادات النظافة والغذاء السليم والمتابعة عند الطبيب الاسنان لو فقدناها صعب تتعوض زي ما كانت وممكن نحتاج علاجات مكلفة ووقتها نندم اننا ما اهتميناش من البداية كل خطوة صغيرة بنعملها النهارده بتفرق بكره والانسان لازم يحافظ على صحته علشان يعيش مبسوط ومرتاح والابتسامة الحلوة بتبدأ من اسنان صحية وقوية خلينا دايما فاكرين ان الوقاية اسهل بكتير من العلاج واهتم بصحتك النهارده علشان تضحك بكرة من غير الم